ការដាច់សរសៃឈាមខួរក្បាលស្ទើតែ ៩០ភាគរយគឺជាប្រភេទ Ischemic Stroke ។ វាកើតឡើងនៅពេលដែលសរសៃឈាមអាក់ទែសំរាប់ទៅចិញ្ចឹមខួរក្បាលទៅជារួម តូច ឬស្ទះ ដែលជាហេតុបង្កអោយកាត់បន្ថយលំហូរឈាម (Ischemia) ។ ការខ្វះលំហូរឈាមទៅកាន់តកោសិកាខួរក្បាលមានន័យថាអុកស៊ីសែន និងសារធាតុចិញ្ចឹមក៏ត្រូវខ្វះខាតដែរ ហើយកោសិកាប្រហែលជាចាប់ផ្តើមស្លាប់ក្នុងរយៈពេលតែប៉ុន្មាននាទី ប៉ុណ្ណោះ ។ Ischemic Stroke ភាគច្រើនកើតឡើងដោយសារ៖
- Thrombotic Stroke៖ ការដាច់សរសៃឈាមខួរក្បាលប្រភេទនេះកើតឡើងនៅពេលដែលមានកំណកឈាម (Thrombus) នៅក្នុងសរសៃឈាមអាកទែសំរាប់ចិញ្ចឹមខួរក្បាល ។ កំណកឈាមជាធម្មតាកើតឡើងនៅក្នុងកន្លែងដែលមានការខូចខាត់ដោយសារការ ក្រិនសរសៃឈាម (ជំងឺដែលសរសៃឈាមត្រូវបានស្ទះដោយសារកំណកខ្លាញ់) ។ ដំណើរការនេះអាចកើតឡើងនៅក្នុងសរសៃឈាមការ៉ូទីតមួយ ឬពីរដែលវាមានទីតាំងនៅក សំរាប់នាំឈាមទៅកាន់ខួរក្បាល ព្រមទាំងសរសៃឈាមផ្សេងទៀតរបស់កផងដែរ ។
- Embolic Stroke៖ Embolic Stroke កើតឡើងនៅពេលដែលកំណកឈាម ឬកំទិចកំទីនៅក្នុងសរសៃឈាមហូរចូលទៅក្នុងខួរក្បាល (ដូចបេះដូងដែរ) ហើយទៅធ្វើអោយស្ទះ ឬអោយសរសៃឈាមរបស់ខួរក្បាលនោះទៅជារួមតូច ។ កំណកឈាមប្រភេទនេះហៅថា Embolus ។ វាជាធម្មតាកើតឡើងដោយសារការច្របាច់របសបេះដូងខាងថតពីរខាងលើមិន ទៀងទាត់ (Atrial Fibrillation) ។ ចង្វាក់បេះដូងមិនធម្មតាបែបនេះអាចបង្កើតទៅជាថ្នក់ឈាមនៅក្នុងបេះដូង និងបង្កើតបានជាកំណកឈាមដែលវាអាចទៅគ្រប់ទីកន្លែងនៃរាងកាយ ។
- Hemorrhagic Stroke៖ Hemorrhagic មានន័យថាការហូរឈាម ។ Hemorrhagic Stroke កើតឡើងនៅពេលដែលសរសៃឈាមក្នុងខួរក្បាលមានការធ្លាយ ឬដាច់ ។ ការហូរឈាមក្នុងខួរក្បាលអាចកើតឡើងពីបញ្ហាមួយចំនួនដែលប៉ះពាល់ទៅ សរសៃឈាមរបស់អ្នកដូចជា ការមិនបានគ្រប់គ្រងសម្ពាធឈាម និងភាពខ្សោយរបស់ជញ្ជាំងសរសៃឈាម (Aneurysms) ។ មូលហេតុដែលមិនសូវនឹងកើតមាននៃការហូរឈាមនេះជាការដាច់សរសៃឈាម Ateriovenous Malformation (AVM) គឺជាសរសៃឈាមដែលមានជញ្ជាំងស្តើងមិនធម្មតា តាំងពីកំណើត
- ការហូរឈាមនៅក្នុងខួរក្បាល៖ ការដាច់សរសៃឈាមប្រភេទនេះបណ្តាលមកពីសរសៃឈាមនៅក្នុងខួរក្បាលមានការ ដាច់ដោច និងហូរឈាមទៅជុំវិញជាលិការខួរក្បាល ដែលបណ្តាលអោយខូចខាតកោសិកា។ កោសិកាខួរក្បាលដែលមិនបានទទួលឈាមគ្រប់គ្រាន់ដែលសារតែដាច់សរសៃឈាម ដូច្នេះក៏ធ្វើអោយកោសិកាខួរក្បាលខូចខាតដែរ ។ គ្រប់ពេលទាំងអស់ ការឡើងសម្ពាធឈាមខ្ពស់អាចបង្កអោយសរសៃឈាមអាកទែសំរាប់ចិញ្ចឹម ខួរក្បាលទៅជាផ្ទុះបាន ។
- ការហូរឈាមនៅក្នុង Subarachnoid៖ ការដាច់សរសៃឈាមប្រភេទនេះកើតឡើងដោយសារការហូរឈាមនៅក្នុងសរសៃឈាម ឬនៅក្បែផ្ទៃរបស់ខួរក្បាល និងហូរឈាមទៅក្នុងចន្លោះរវាងផ្ទៃខួរក្បាល និងឆ្អឹងលលាដ៏ក្បាល ។ ការហូរឈាមបែបនេះច្រើនតែកើតឡើងភ្លាមៗ និងបង្កអោយឈឺក្បាលធ្ងន់ធ្ងរ ។ បញ្ហានេះច្រើនបង្កឡើងដោយការដាច់សរសៃឈាមរបស់ Aneurysm ដែលជាសរសៃឈាមមួយប្រភេទរីកធំ និងរឹង (Vasospasm) និងជាមូលហេតុធ្វើអោយកោសិការខួរក្បាលខូចខាត់ដោយសាររ៉ាំងស្ទះដល់ លំហូរឈាមទៅផ្នែកជាច្រើននៃខួរក្បាល ។
វាគឺជាការរោគសញ្ញាតែមួយរយៈខ្លី ហើយមានភាពប្រហាក់ប្រហែលនឹងការដាច់សរសៃឈាមខួរក្បាលដែរ ។ មូលហេតុនៃ Transient Ischemic Attack មកពីការថយចុះបណ្តោះអាសន្ននៃលំហូរឈាមទៅកាន់ខួរក្បាល ៕
0 comments:
Post a Comment