ការឡើងកំដៅក្នុងខ្លួនកុមារយ៉ាងឆាប់រហ័សបែបនេះអាចបណ្តាលអោយមាន ប្រកាច់នេះ ។ ក្មេងៗភាគច្រើនដែលមានការប្រកៅដោយក្តៅខ្លួន អាចមានសីតុណ្ហភាពចាប់ពី ៣៩ អង្សារសេ ឡើងទៅ ។
ការប្រកាច់ ដោយសារគ្រុនក្តៅអាចធ្វើអោយមាតិាបិតាភ័យខ្លាចទាំងឡាយអោយ មានការព្រួយបារម្ភ ឬ រន្ធត់ខ្លាំងចំពោះសុខភាពកូនៗ របស់ពួកគេ, ប៉ុន្តែ ជាធម្មតា វាគ្មានបញ្ហាអ្វីចោទជាធំដុំ ឬ បង្កជា គ្រោះថ្នាក់ដល់ក្មេងៗនោះទេ ។ ជាមួយគ្នានេះផងដែរ, វាក៏មិនអាចធ្វើអោយមានបញ្ហាអ្វីនៅពេលក្រោយទៀតផងដែរ ដូចជា ការបំផ្លាញខួរក្បាល, ខ្សោយបញ្ញា ឬ ការរៀនសូត្រមានបញ្ហានោះទេ ។ ដូច្នេះ មាតាបិតាទាំងឡាយមិនចាំបាច់ព្រួយបារម្ភឡើយ ។
ការ ប្រកាច់ដោយគ្រុនក្តៅបានកើតលើកុមារពី ២ ទៅ ៥ ភាគរយ ។ ក្មេងៗក៏អាចនឹងមានបញ្ហាប្រកាច់ ដទៃទៀតផងដែរ ។ ឳកាសក្នុងការប្រកាច់ដោយគ្រុនក្តៅ ដទៃទៀតខុសគ្នាទៅតាមអាយុ, ប៉ុន្តែ ចន្លោះពី ៣០ ទៅ ៥០ ភាគរយ គឺកុមារអាចកើតអាការៈរោគនេះម្តងទៀត ។ ការប្រកាច់ទាំងអស់នោះមិនមែនស្ថិតក្នុងទំរង់ជាជំងឺឆ្កួតជ្រូក (epilepsy) នោះទេ ។
កុមារដែលមានការប្រកាច់ជារឿយៗគឺ បាត់បង់ស្មារតី ញ័រកន្ត្រាក់ខ្លួន (shakes), វាសដៃ វាសជើងទាំងសងខាង ។ ភ្នែករបស់កុមារអាចនឹងឡើងស្លឺ។ កុមារក៏អាចនឹងបាត់ដង្ហើមក្នុងរយៈពេលពីរបីវិនាទី ព្រមទាំងអាចក្អួត, នោម ឬ ជុះផងដែរ ។ វាពិតជាសំខាន់ណាស់ក្នុងការការពារកុមារមិនអោយទទួលរងរបួស ឬ ប៉ះទង្គិចជាមួយរបស់អ្វីផ្សេងៗទៀតក្នុងអំឡុងពេលនោះ ។
ជាធម្មតា,ការប្រកាច់ដោយគ្រុនក្តៅ មានរយៈពេលពី ១ ទៅ ៣ នាទីប៉ុណ្ណោះ ។ បន្ទាប់ពីនោះ, កុមារអាចនឹងមានអារម្មណ៍ថា ងងុយគេង ។ អ្នកអាចដាក់អោយពួកគេគេងអោយបានស្រួល, ប៉ុន្តែ សួមប្រុងប្រយ័ត្នក្នុងការតាមដាន ឬ សង្កេតមើលស្ថានភាពនានារបស់គេ ដូចជា ការផ្លាស់ប្តូរពណ៌ស្បែក (changes in color), ការដកដង្ហើម (breathing), ការកន្ត្រាក់ដៃ ឬ ជើង (twitching arms or legs) ។ ក្មេងៗអាចនឹងភ្លេចភ្លាំង ឬ វង្វេងបន្តិចបន្ទាប់ពីការប្រកាច់ ប៉ុន្តែ ពួកគេនឹងត្រលប់មករកភាពធម្មតាវិញ ក្នុងរយៈពេលប្រហែលជា ៦០ នាទី ក្រោយមកទៀត ។
ការប្រកាច់ទំនងហាក់ជាបណ្តាលមកពីជំងឺគ្រុនក្តៅ ប្រសិនបើការប្រកាច់នោះ កើតឡើងក្នុងរយៈពេល ២៤ ម៉ោង បន្ទាប់ពីកុមារចាប់ផ្តើមគ្រុនក្តៅ ។ ជាធម្មតាការប្រកាច់ដោយគ្រុនក្តៅ, កើតឡើងពេញខ្លួនប្រាណ, មិនមែនតែម្ខាងនោះទេ ៕
0 comments:
Post a Comment