• អ្នកមិនត្រូវរំពឹងចង់ ឃើញលទ្ធផលភ្លាមៗ ពេកនោះទេ នៅពេលដែលអ្នកទើបនឹងចាប់ផ្តើមដំបូង។ តម្រូវការនៃពេលវេលា ក្នុងការសម្រកខ្លាញ់ក្បាលពោះ អោយបានជោគជ័យ គឺអាស្រ័យ ទៅលើ កត្តាជាក់លាក់មួយចំនួន ។ ដូច្នេះ អ្នកមិនត្រូវបោះបង់ចោលនូវការព្យាយាម ក្នុង រយៈពេលដំបូងនោះទេ ប្រសិនបើអ្នក មិនទាន់បានសម្គាល់ឃើញការប្រែប្រួលអ្វីកើត មានឡើងនោះ។
• មិនត្រូវ អត់ទទួលទានអាហារពេលព្រឹកជាដាច់ខាត។
• ត្រូវបន្ថែម អាហារដែលសម្បូរសារជាតិប្រូតេអ៊ីន អោយបានច្រើន ទៅក្នុងរបបអាហារប្រចាំថ្ងៃ របស់អ្នក។ ក្បាលពោះរបស់យើង គឺត្រូវការ ជាតិប្រូតេអ៊ីន ក្នុងការវិវត្តន៍បាន នូវរូបរាង រាបស្មើរល្អ ។
• ព្យាយាម បរិភោគអាហារដែលមានជាតិកាបូអ៊ីដ្រាត ក្នុងកម្រិតអោយបានត្រឹមត្រូវ ក្នុងបរិមាណ មួយអោយបានសមស្រប។ អ្នកមិនត្រូវទទួលទានរាល់អ្វី ដែលអ្នកចូលចិត្តទាំងអស់នោះទេ ប៉ុន្តែត្រូវ បរិភោគអាហារដែលមានជាតិសសៃអោយបានច្រើន ។ ពួកវាអាច ឆាប់ធ្វើអោយអ្នក មានអារម្មណ៍ថាឆ្អែត ហេតុនេះ ហើយវាអាចកាត់បន្ថយ នូវចំណង់នៃការស្រេកឃ្លានរបស់អ្នក។
• អ្នកត្រូវឧស្សាហ៍ បរិភោគអាហារក្នុងកម្រិតតិចតួច អោយបានញឹកញាប់។ វាគឺអាច ជម្រុញដល់ កត្តាមេតាបូលីស។ ប្រសិនបើអ្នកទុកអោយខ្លួន ឯងស្រេកឃ្លានអាហារ ក្នុងរយៈពេលយូរ នោះអ្នក នឹងមានអារម្មណ៍ឃ្លានខ្លាំង និង ចង់ញាំអាហារកាន់តែច្រើន។
• ត្រូវកម្រិតបរិមាណ នៃការទទួលទានអំបិល និង អាហារដែលមានជាតិប្រៃ។
• បរិភោគសាច់ត្រី,សាច់ដែលគ្មានខ្លាញ់ , ផ្លែឈើ និង បន្លែពណ៌បៃតងអោយបានច្រើន។
• ធ្វើលំហាត់ប្រាណកម្រិតសកម្ម អោយបានច្រើន ដោយជ្រើសរើសយក ប្រភេទលំហាត់ប្រាណ ជាពិសេស សម្រាប់សម្រកខ្លាញ់ក្បាលពោះ ។ តែជាដំបូង អ្នកត្រូវចៀសវាង ការហាត់ប្រាណ ដោយដាក់សម្ពាធដោយផ្ទាល់ទៅលើ សាច់ដុំត្រង់តំបន់ក្បាលពោះ នេះ។
• ធ្វើការផឹកទឹកអោយបានច្រើន តាមដែលវាអាចជួយបញ្ចេញនូវជាតិពុលពីក្នុងខ្លួន ហើយវា ក៏ជួយ ប្រឆាំងនឹងអាការៈដែលធ្វើអោយអ្នកហើមពោះ បានផងដែរ។
• អ្នកមិនត្រូវលេបថ្នាំសម្រកទម្ងន់ដែលមានដាក់ លក់នៅតាមទីផ្សារដោយ គ្មានវេជ្ជបញ្ជាត្រឹមត្រូវ នោះទេ ព្រោះថាពួកវាអាចធ្វើអោយអ្នក ប្រឈមនឹងគ្រោះថ្នាក់ចំពោះសុខភាពបាន។
• ត្រូវសម្រាកអោយបានគ្រប់គ្រាន់ ។ ការគេងអោយលក់ ស្កប់ស្កល់អោយបាន ៨ម៉ោង ដោយមិនមានការរំខាន គឺជាកត្តាជម្រុញដ៏ល្អបំផុត ក្នុងការជួយអោយអ្នក ឆាប់ស្រកខ្លាញ់ នៅត្រង់ក្បាលពោះ ។
0 comments:
Post a Comment