ហាត់ប្រាណជួយកាត់បន្ថយស្រ្តេស និង ភាពធុញថប់
ការធ្វើលំហាត់ប្រាណ អាចជួយកាត់បន្ថយស្ត្រេស និង ភាពថប់បារម្ភមុនពេល ដែលវានឹងកា្លយជាជំងឺធ្លាក់ទឹកចិត្ត ឬ ស្ថានភាពធ្ងន់ធ្ងរផ្សេងទៀត ដូចជា ភាពអសម្ថភាព ។ អង់ដូហ្វីន ជាអរម៉ូនដែលធ្វើអោយអ្នកមាន អារម្មណ៍ល្អ ដែលបានបង្កើតដោយការ ហាត់ប្រាណនៅក្នុងមជ្ឈដ្ឋានខាងក្រៅ អាចជួយកាត់បន្ថយ សម្ពាធ , ជួយ លើក និង រក្សាស្ថានភាពទឹកចិត្តរបស់អ្នក អោយមានលំនឹង និង ជួយអោយការគេងលក់របស់អ្នកបានល្អប្រសើរ ។ ស្ថានភាពស្ត្រេស និង ថប់បារម្ភអាចធ្វើអោយអ្នក មានអារម្មណ៍ថាតែលតោល និង ស្ថិតក្រោមសម្ពាធនៃកត្តាផ្នែក ខាងក្នុង ប៉ុន្តែការហាត់ប្រាណ អាចជួយអ្នកអោយមានកំលាំងឡើងវិញបាន។ វាបានផ្តល់អោយអ្នកនូវអារម្មណ៍ នៃ ការសម្រេចបានជោគជ័យ និង ជួយបង្កើននូវការមានទំនុកចិត្តលើខ្លួនឯង។ ធ្វើការជ្រើសរើស នូវប្រភេទលំហាត់ ប្រាណ ដែលសាកសមនឹងអ្នក។ អ្នកខ្លះ ចូលចិត្តការរត់ដើម្បីបំបាត់នូវសភាពស្ត្រេសនេះ ខណៈពេលដែលអ្នកខ្លះ វិញចូលចិត្ត ទៅហាត់ប្រាណតាមថ្នាក់ ដែលមានគ្រូបង្វឹក ពីព្រោះវាអាចជាការងាយស្រួល ដោយមាននរណាម្នាក់ ជួយតំរែតំរង់ពីការធ្វើចលនា ក្នុងរយៈពេលមួយម៉ោង។ លំហាត់ប្រាណបែបយូហ្គា និង ថៃឈិ គឺពិតជាល្អ សាកសមបំផុតសម្រាប់អ្នក។
0 comments:
Post a Comment