វិធីសាស្រ្ដទាំង ១៦​ ដើម្បីក្លាយជាមនុស្សដែលជោគជ័យ

១. ហ្វឹកហាត់អោយបានច្រើន

យើងត្រូវហ្វឹកហាត់ខ្លួនឯងអោយបានច្រើនៗ នួវអ្វីដែលយើងបានធ្វើដើម្បីទៅដល់គោលដៅ ហើយយើងនឹងទទួលជោគជ័យដោយខ្លួនឯង។

២. ជឿជាក់លើក្ដីស្រម៉ៃរបស់ខ្លួន

មនុស្សយើងបើមានក្ដីស្រម៉ៃហើយត្រូវមានការ
ជឿជាក់លើក្ដីស្រម៉ៃរបស់ខ្លួន។ បើ​យើង​មាន​ការ​ជឿជាក់​​លើ​​​​​ក្ដី​ស្រម៉ៃ​របស់​ខ្លួន​ឯងហើយ​ក៍​គ្មាន​អ្វីមកហាមយើងបានដែរ បើយើងធ្វើអ្វីម៉្យាង​ ហើយ​ពេញ​ទី​ជាមួយវាមិនព្រមចាញ់ ថ្ងៃមួយយើងនឹងពិសោធន៍អោយអ្នកដទៃឃើញថា យើង​អាច​ធ្វើ​តាម​សេចក្ដីស្រម៉ៃរបស់ខ្លួន​ឯងបាន។

៣. គោរពពេលវេលា

មនុស្សដែលទទួលជោគជ័យបាន ត្រូវតែជាមនុស្សដែលមានរបៀបវិន័យលើខ្លួន​​​​​​​​​​​​​ឯង។ ​ការគោរព​ពេលវេលា ជាគុណសម្បត្តិរបស់មនុស្សដែលទទួលជោគជ័យក្នុងជីវិត។

៤. ស្វែងរឪកាសគ្រប់ពេលវេលា

ឪកាសមិនមែនសុខៗក៍អណ្ដែតមករកអ្នកគ្រប់គ្នានោះទេ អ្នកខ្លះក៍រត់ទៅវា ទៅស្រវាចាប់យក ​ដូច្នេះ ដើម្បីទទួលជោគជ័យក្នុងជីវិត ក៍ត្រូវតែរត់ទៅរកឪកាសអោយខ្លួនឯងជាមុនសិន។

៥.ពង្រឹងសមត្ថភាព

មនុស្សដែលនៅស្ងៀម គឺជាមនុស្សដែលស្លាប់ហើយ ព្រោះមានមនុស្សជាច្រើនដែលរត់តាមយើង​មក ហើយព្រមទាំងឡើងមកនៅលើតំណែងតែមួយជាមួយនឹងយើង ជំនួសយើងបានគ្រប់ពេល បើចង់រក្សាភាពជោគជ័យបានយូ យើងត្រូវព្យាយាមអភិវឌ្ឍខ្លួនឯងជានិច្ច។

៦. ភាពអោនលំទោន ជាកល្យាណមិត្ត និងភាពកត្តញ្ញូ

មនុស្សដែលទទួលបានជោគជ័យក្នុងជីវិតត្រូវតែជាមនុស្សដែលមានភាពអោនលំទោន​​​ ព្រោះតែងតែធ្វើអោយអ្នកដទៃអាណិត ស្រឡាញ់បានច្រើនជាងមនុស្ស ដែលវាយឬក។ ក្រៅពីនេះយើងគួរតែហាត់ធ្វើជាកល្យាណមិត្តជាមួយអ្នកនៅជិតខាងអោយបានច្រើនផង  ព្រោះមានមិត្តច្រើននឹងបានប្រៀបក្នុងការធ្វើអ្វីផ្សេងៗ រួមទាំងភាពកតញ្ញូក៍ធ្វើអោយយើងមើលទៅជាមនុស្សគួរអោយស្រឡាញ់គួរអោយសសើរ។

៧. មើលថែខ្លួនឯងអោយជាប់លាប់

មនុស្សគ្រប់គ្នាមិនគួរណាគិតតែពីខ្ជិលរហូតធ្វើអោយខ្លួនឯងកា្លយជាយាយក្រម៉ាប់ ខ្លាញ់ពេលខ្លួន ឬក៍បណ្ដោយអោយមុខកើតមុនពេញថ្ពាល់ បែបនេះមិនល្អទេ យើងគួរតែសម្ដែងសេចក្ដីស្រឡាញ់ដល់ខ្លួនឯងដោយការថែរក្សាខ្លួនឯងអោយល្អជានិច្ច។

៨. បង្កើតលក្ខណះសម្បតិ្ដផ្ទាល់ខ្លួន

បើសាកសង្កេតមើលទៅ អ្នកដែលមានលក្ខណះសម្បត្តិលេចធ្លោ ដូចជារូបរាងសង្ហា ឆ្លាត គួរអោយស្រឡាញ់ អាចធ្វើអោយអ្នកដទៃចងចាំបាន ហើយធ្វើអោយ
គេទទួលជោគជ័យបានងាយជាងអ្នកដែលមិនមានចំនុចលេចធ្លោអ្វីសោះ។

៩. ចេះណែនាំខ្លួនឯង

អ្នកដែលទទួលជោគជ័យបានត្រូវចេះណែនាំខ្លួនឯងអោយល្អៗ មិនមែនថាមានសមត្ថភាពហើយ​តែលាក់ទុកមិនអោយអ្នកណាដឹង បែបហ្នឹងមិនល្អទេណា ព្រោះវាក៍ដូចជាអ្នកមានរបស់​ល្អ​ហើយ​តែមិនបានប្រើ។

១០. ឆ្លាតក្នុងការនិយាយ

យើងត្រូវឆ្លាតក្នុងការនិយាយ ត្រូវគិតមុនពេលនិយាយចេញមករាល់លើក។ អ្វីដែលនិយាយមក​ខូចខាតក៍កុំនិយាយចេញមកអីល្អជាង មនុស្សយើងអាចគិតបានគ្រប់រឿង តែគួរតែនិយាយអ្វីដែល​ល្អប៉ុណ្ណោះ។

១១. ចេះទប់អារម្មណ៍ខ្លួនឯង

មនុស្សគ្រប់រូបគួរតែចេះទប់អារម្មណ៍របស់ខ្លួន ជាពិសេសអារម្មណ៍អាក្រក់ៗ វាមិនល្អដល់ខ្លួនរបស់​ហ្នឹងណា។

១២. មិនធ្វេសប្រហែស

ក្នុងមួយថ្ងៃបើយើងទទួលជោគជ័យក្នុងជីវិត អ្វីដែលយើងគួរចាំទុកក្នុងខួរក្បាលគឺ យើងហាមភ្លេច​ខ្លួនឯង ហើយយើងនឹងក្លាយជាមនុស្សដែលគួរអោយស្រឡាញ់ ដែលអ្នកណាៗក៍ស្រឡាញ់​​យើងរហូតទៅ។

១៣. ធ្វើជាគំរូដល់អ្នកដទៃ ទាំងទល់មុខនិងក្រោយខ្នង

យើងអាចធ្វើជាគំរូល្អរបស់អ្នកណាម្នាក់ក៍ថាបាន ដូចជាគំរូលដល់សិស្សប្អូនជាដើម ទើបយើងគួរ​ជាគំរូដែលល្អដោយការធ្វើល្អជានិច្ច។

១៤. ធ្វើអ្វីអោយពិតប្រាកដហើយធ្វើអោយអស់ពីសមត្ថភាព

ការដែលអាចទទួលជោគជ័យបាន ត្រូវលះបង់ធ្វើអ្វីដែលគេត្រូវធ្វើអោយអស់ពីសមត្ថភាព ហើយគួរតែធ្វើ​តួនាទី​របស់ខ្លួន​អោយអស់ពីសមត្ថភាពដូចគ្នា ដូចជាពេលនេះយើងជាអ្នកសិក្សា យើងក៍គួរតែតាំងចិត្ដរៀន​អោយ​អស់ពីសមត្ថភាពផងដែរ។

១៥.​ បង្កើតសម្ព័ន្ធភាព

យើងគួរតែបង្កើតសម្ព័ន្ធភាពល្អៗ អោយខ្លួនឯង ហើយរក្សាសម្ព័ន្ធភាពល្អៗជានិច្ច ព្រោះពេលមាន​​​បញ្ហា មនុស្សទាំងនេះឯងដែរលូកដៃមកជួយ ដូច្នេះ ទើបយើងត្រូវបើកចិត្តអោយទូលាយ ស្វែង​យល់ពីអ្នកដទៃនិងចេះជ្រើសរើសរាប់អានមិត្ត។

១៦. មានភាពរីរាយជានិច្ច

ចុងក្រោយនេះគួរតែហាត់ធ្វើអោយមានអារម្មណ៍សប្បាយ ហ៊ានសម្ដែងចេញ ហើយចេះរីករាយ​ជាមួយ​នឹងអ្នកដទៃជានិច្ច ហើយយើងនឹងក្លាយជាទីស្រឡាញ់របស់មនុស្សគ្រប់គ្នា។