អាជ្ញាធរដាក់ទោសចំពោះម្ចាស់ផ្ទះសំណាក់ និងម្ចាស់សណ្ឋាគា

អាជ្ញាធរនឹងដាក់ទោសចំពោះម្ចាស់ផ្ទះសំណាក់ និងម្ចាស់សណ្ឋាគាណាដែលអនុញ្ញាតអោយ សិស្សសាលាឬមនុស្សអាយុក្រោម១៨ឆ្នាំ នាំដៃគូរចូលផ្ទះសំណាក់ និងសណ្ឋាគា។ អាជ្ញាធរគ្រប់ខេត្តក្រុងទាំងអស់បានចុះទៅជួបនឹងម្ចាស់ផ្ទះសំណាក់និងម្ចាស់សណ្ឋាគា ដើម្បី​​ធ្វើកិច្ចសន្យាហាមប្រាមមិនអោយអនុញ្ញាតសិស្សសាលា​ឬមនុស្សក្រោម១៨ឆ្នាំនាំដៃគូរ​ចូលសណ្ឋាគា​និងផ្ទះសំណាក់។ នេះជាការការពារ និងរក្សាសណ្ដាប់ធ្នាប់កុំអោយមានការប្រមួលផ្ដុំនៅអំឡុងថ្ងៃទី១៤ កុម្ភះ ដែលហៅថាបុណ្យនៃក្ដីស្រឡាញ់​ឬហៅថាបុណ្យសង្សា ដើម្បីកុំអោយខូចប្រពៃណីខ្មែរ ជាតិ​សាសន៍​ខ្មែរ​។ ជាពិសេសយុវវ័យដែលនាំគ្នាចាត់ទុកជាថ្ងៃពិសេស និងផ្ដោតសំខាន់ចំពោះថ្ងៃ១៤កុម្ភះនេះ ដែលវាជាថ្ងៃបុណ្យរបស់បរទេសដែលគេប្រារព្ធដើម្បីរំលឹកដល់សេចក្ដីស្រឡាញ់ ចំពោះ​ឪពុកម្ដាយ បងប្អូន ញ្ញាតិមិត្ត មិត្តភក្ដិទាំងអស់ ប៉ុន្ដែយុវវ័យបែរជាយល់ច្រលំ ឬចាត់ទុកថាជាបុណ្យសង្សាទៅវិញ។ ដូច្នេះសូមយុវវ័យទាំងអស់នាំគ្នាគិតពិចារណា និង​ស្វែង​យល់​អោយ​បាន​​ច្បាស់​​សារ​ជា​ថ្មី​ ជាពិសេសនារីគ្រប់រួបគួរតែចេះអោយតម្លៃដល់ខ្លួនឯង គ្រួសារ និងសង្គមជាតិជាពិសេសគិតពីប្រពៃណីរបស់ជាតិខ្លួន។ ហើយចំពោះបុរសក៍គួរតែចេះអោយតម្លៃ​​​​ដល់​នារី​ភេទ​ដូចគ្នា។