កាលពីវេលាម៉ោង៩ និង៣០នាទីព្រឹក ថ្ងៃទី៩ មេសា ផ្ទះកន្តាំង៣ខ្នង ធ្វើពីឈើប្រក់ក្បឿងចំនួន២ ដែលមានតម្លៃរាប់ម៉ឺនដុល្លារ
នៅជាប់គ្នាក្នុង ភូមិរកាកណ្តាលទី១ សង្កាត់រកាកណ្តាល ក្រុងក្រចេះ
ត្រូវបានអគ្គិភ័យ លេបត្របាក់ គ្មានសល់។នៅក្នុងហេតុការណ៍នេះ គេមិនទាន់មានប្រភពព័ត៌មាន ណាមួយបញ្ជាក់ថា មូលហេតុដែលបង្ករឱ្យមានគ្រោះអគ្គិភ័យ នេះកើតឡើងបណ្តាលមកពីមូល ហេតុអ្វីនៅឡើយនោះទេ ។ ដោយឡែក ម្ចាស់ផ្ទះដែលជាដើមហេតុ បានអះអាងប្រាប់ សមត្ថកិច្ចថា បណ្តាលមកពីទុស្សេ ខ្សែភ្លើង ខណៈដែលរូបគាត់ និងភរិយាមិននៅផ្ទះ រវល់ទៅចូលរួមពិធី បុណ្យផ្ទះម្តាយ ។
អគ្គិភ័យបានឆាបឆេះឡើង យ៉ាងសន្ធោសន្ធៅអស់រយៈ ពេលជិត២ម៉ោង ទើបមានការធូរស្រាល បន្ទាប់ពីកម្លាំងនគរបាលបានប្រើប្រាស់ រថយន្តពន្លត់អគ្គិភ័យចំនួន ២គ្រឿង និងប្រើប្រាស់ទឹកអស់ចំនួន១២រថយន្ត ។ ក្នុងសកម្មភាពនៃការជួយសង្គ្រោះ បាញ់ទឹកពន្លត់នោះ គឺមានការចុះដឹកនាំចាត់ចែង ផ្ទាល់ពីសំណាក់លោក ឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្ត និងលោកវរសេនីយ៍ឯក ហន ប៉ូច ស្នងការរងកណ្តាលសណ្តាប់ធ្នាប់ និងកងកម្លាំងនគរបាលជាច្រើនរូបទៀត ។
លំនៅឋានទាំង២ដែលក្លាយជាចំណីភ្លើងនេះ ជាផ្ទះដែលលម្អដោយ ឈើប្រណីតតម្លៃរាប់ម៉ឺនដុល្លារ ។ ពិតជាគួរឱ្យមានការស្តាយ ពន់ពេកណាស់ ដែលអ្វីៗបានក្លាយជាផេះផង់ក្នុង ភ្លើងតែមួយប៉ប្រិចភ្នែក ៕
0 comments:
Post a Comment