ស្រវឹងធ្លាក់ភ្នែក ទាំង៣នាក់ បើករថយន្តបុក រនាំងដែក ហើយជ្រុលទៅបុក បង្កោលភ្លើង បាក់មួយដើមទៀត

ភ្នំពេញ៖ បុរស ៣នាក់ជាមិត្ត ភក្តិនឹងគ្នា ស្ថិតក្នុងស្ថានភាព ស្រវឹងទាំងអស់គ្នា បានធ្វើដំណើរតាមរថយន្តមួយ គ្រឿងជាមួយគ្នា តាមបណ្តោយផ្លូវមុនីវង្ស ពេលមកដល់ចំណុចភ្លើងស្តុប បូកគោ ក៏ជ្រុលបុករនាំងដែកពុះចែក ទ្រូងផ្លូវ និងបង្គោលភ្លើងមួយដើម ត្រូវបាក់ខ្ទេច កាលពីវេលាម៉ោង ១២យប់ថៃ្ងទី០៧ ខែកញ្ញា ឆ្នាំ២០១៣ ស្ថិតក្នុង សង្កាត់បឹងកេងកងទី១ ខណ្ឌចំការមន រាជធានីភ្នំពេញ ។
សេចក្តីរាយការណ៍ ព័ត៌មាននៅកន្លែង កើតហេតុបានឲ្យដឹងថា មុនពេលកើតហេតុ គេបានឃើញរថយន្ត ម៉ាក កាមរីឆ្លាមមួយគ្រឿង ពណ៌ស្ករ ពាក់ស្លាកលេខភ្នំពេញ 2Q-7254 ដែលបើកបរដោយបុរសម្នាក់ និងអ្នករួម ដំណើរពីរនាក់ទៀត បានធ្វើដំណើរតាមបណ្តោយផ្លូវ ម៉ៅសេទុង ក្នុងទិសដៅលិចពីកើត ស្រាប់មកដល់ចំណុច ភ្លើងស្តុប បូកគោ រថយន្តបានបួងចង្កូត បត់ឆ្វេងទៅផ្លូវមុនីវង្ស ក៏ជ្រុលទៅបុកទៅរនាំងដែក យ៉ាងពេញទំហឹង តែដោយរថយន្តមិនទាន់អស់ ល្បឿនក៏ជ្រុលចង្កូតទៅបុកបង្គោលភ្លើងបំភ្លឺផ្លូវ អស់មួយដើមទៀត ទើបរថយន្ត គាបជាប់នឹងបង្គោលភ្លើង ទៅមុខលែងរួច ។
ជាមួយគ្នានេះដែរ អ្នកបើករថយន្តបង្ក រួមនឹងមិត្តភ័ក្ត ក៏បានផ្ទុះហិង្សាមួយ ដោយអ្នកបើកបររថយន្តបង្ក បានវាយ ទៅលើសន្តិសុខមា្នក់ បានឃើញហេតុការណ៍នេះ ហើយបានឃាត់មិនឲ្យអ្នកបើក រថយន្តនេះរត់គេចខ្លួន បណ្តាល ឲ្យរងរបួស តែដោយមានប្រជាពលរដ្ឋ ដែលរស់នៅកន្លែងកើតហេតុ បានជួយទាន់កុំអីមិនដឹង ជាសន្តិសុខរូប នោះទទួល រងគ្រោះថ្នាក់យ៉ាងណាទេ ។
ក្រោយពេលកើតហេតុ សមត្ថកិច្ចមូលដ្ឋានបានចុះ មកអន្តរាគមន៍ភ្លាមៗ ក៏ធ្វើការឃាត់ខ្លួនបាន អ្នកបើកបរម្នាក់ ចំណែកបក្ខពួកពីរនាក់ រត់ចែកជើងគ្នាយករួចខ្លួន។
បន្ទាប់ពីកើតហេតុ សមត្ថកិច្ចបានចុះធ្វើការវាស់វែង ហើយអូសរថយន្តបង្កយក ទៅរក្សាទុកនៅការិយាល័យ នគរបាលចរាចរណ៍ជើងគោក រាជធានីភ្នំពេញ រង់ចាំដោះស្រាយសំណង សម្បត្តិសាធារណ:របស់រដ្ឋ នៅ ស្វាងពីស្រវឹង៕ប្រភពពី៖ ដើមអម្ពិល