អ្នកទោស ជាប់ពីបទ ប្លន់ នៅពន្ធនា គារ ខេត្ដបាត់ដំបង រត់គេចខ្លួន ពេលចេញ មកកាយដី

បាត់ដំបង ៖ អ្នកទោសជាប់ពីបទប្លន់ ម្នាក់ ហើយត្រូវបាន​ចៅក្រម​សា​លា​ដំបូង ខេត្ដ សម្រេច​ដាក់ពន្ធនាគារបានរត់គេចខ្លួន នៅពេល​ដែល​អ្នក​ទោស​រូបនេះ រួមជាមួយ អ្នកទោសផ្សេងទៀត ត្រូវបានអនុញ្ញាតឱ្យ ចេញ​ពី​​បន្ទប់ឃុំឃាំង ដើម្បីទៅកាយដី ហើយពេលនោះ បានសុំទៅបត់ជើងធំ រួច គេចខ្លួនតែម្ដង ។

អ្នកទោសរត់គេចខ្លួន ដោយសារធ្វេស ប្រហែស របស់​មន្ដ្រី​ពន្ធ​នាគារ​ខេត្ដ​​បាត់ដំបង ខាងលើនេះបានកើតឡើង កាលពីវេលា ម៉ោង ១០ និង​៣០​នាទីព្រឹក ថ្ងៃទី០៥ ខែ មិថុនា ឆ្នាំ២០១៣ ដែលទីតាំងពន្ធនាគារ ស្ថិត​នៅ​​ភូមិដំណាក់ហ្លួង សង្កាត់វត្ដគរ ក្រុងបាត់ដំបង ។

យោងតាមសេចក្ដីរាយការណ៍ ពីមន្ដ្រី ពន្ធនាគារខេត្ដបាត់ដំបង បាន​ឱ្យ​ដឹង​ថា អ្នក ទោសដែលបាន និងកំពុងរត់គេចខ្លួនខាង លើនេះ ត្រូវបាន​គេ​ស្គាល់ថា ឈ្មោះ សួម វុទ្ធី អាយុ ៣៣ឆ្នាំ រស់នៅភូមិរំចេក២៣ សង្កាត់ រតនៈ ក្រុងបាត់ដំបង ហើយត្រូវបានចៅក្រម សាលាដំបូងខេត្ដបាត់ដំបង សម្រេចឃុំខ្លួន ដាក់ពន្ធនាគារជាប់ពាក់ព័ន្ធ ពីបទ ប្លន់ប្រដាប់អាវុធ កាលពីថ្ងៃទី២២ ខែកុម្ភៈ ឆ្នាំ២០១២។

ប្រភពព័ត៌មាន ពីមន្ដ្រីពន្ធនាគារបានបន្ដ ថា មុនពេលមានឱកាសរត់គេចខ្លួននេះអ្នក ទោសមួយចំនួន ក្នុងពន្ធនាគារ ត្រូវ​បានអនុ ញ្ញាតឱ្យចេញពីបន្ទប់ឃុំឃាំងដើម្បីទៅកាយ ដី ហើយពេលនោះអ្នកទោសរូបនេះបានសុំ មន្ដ្រី​ពន្ធនាគារ​ទៅបត់ជើងធំ រួចហើយមាន ឱកាសល្អក៏រត់គេចខ្លួនតែម្ដងទៅ ។

ក្រោយ មានករណីនេះកើតឡើង បណ្ដាលឱ្យមាន ការភ្ញាក់ផ្អើល ហើយកម្លាំងសមត្ថកិច្ចរបស់ ខេត្ដទាំងនគរបាល និង​អាវុធ​ហត្ថបាន និង កំពុងធ្វើការស្រាវជ្រាវ តាមចាប់អ្នកទោស រូបនេះ ។

ទាក់ទិនករណីនេះ ប្រធានពន្ធនាគារ ខេត្ដបាត់ដំបង លោក សំអុល ធារិទ្ធ បាន ប្រាប់​មជ្ឈ​មណ្ឌល​ព័ត៌​មាន​ដើម​អម្ពិល​តាម​ ទូរស័ព្ទ​ថា នៅពេលនេះលោកកំពុងពិនិត្យ មើលប្រវត្ដិរូប របស់អ្នកទោសរូបនេះដោយ មិនបានផ្ដល់ការអត្ថា​ធិប្បាយ​ឱ្យបានលំអិត នោះទេ ។

ប្រភពព័ត៌មានពីប្រជាពលរដ្ឋខ្លះបានឱ្យ ដឹងថា ក្រោយកើតហេតុគេបានឃើញអ្នក ទោសរូប​នេះ​រត់​ឡើង​ជិះ​រថយន្ដ​មួយ​គ្រឿង​ នៅចំណុចភូមិឈើទាល ឃុំឈើទាល ស្រុក បាណន់ ខេត្ដបាត់ដំបង ។ យ៉ាងណាក៏ដោយ  រហូត​មក​ដល់​ពេល​នេះ ​កម្លាំងសមត្ថកិច្ច ទាំងអស់បាន និងកំពុងធ្វើការស្រាវជ្រាវ ដើម្បីតាមចាប់អ្នកទោសខាងលើត្រឡប់ មកវិញ ។ប្រភពមកពី​ ដើមអម្ពិល